يا السعودية عسى العيد لك دايم يعود
وانت بثوب الفرح ترفلين وبالسلام
واسعدي يا المملكة تحت ظل آل السعود
رافعين الراس في كل ميدان ومقام
طيبين القول والفعل ما فيهم جحود
وارثينه من جدود وخوال ومن عمام
عيدك امبارك لبحر الكرم نسل الاسود
خادم البيتين نعم الملك نعم الامام
يا الله الوالي طلبناك يا رب الوجود
تحفظه يا منزل الغيث من جوف الغمام
وعيدك امبارك لابومتعب ومعها ورود
وافي الافعال مثل البدر ليل التمام
وعيدك امبارك لسلطان لطام الحسود
لو ينام الكل سلطان عينه ما تنام
ساهر يرعى الوطن يوم خلق الله رقود
ابوخالد جاهز للمهمات الجسام
صفوة من نسل صقر العرب خير الجدود
يا عساه ابجنة الخلد يا رب الأنام
يوم وحدها وبيّن علامات الحدود
نورت بالعلم من بعد ما كانت ظلام
بعد ربي للملك والوطن حنا جنود
مرخصين الروح لجله فعل ما هو كلام
السعودية ملك مع شعب بيض وسود
اخوة ساد الوفا بينهم والاحترام
السعودية بحر مع جبل حزم ونفود
عشقها بالروح واللي عشقها ما يلام
