آه من عين جفاها النوم والراحة جفتها
ليت عذالي درى باللي جرى قبل يعذلها
سمعوني كلمة صفو المحبة كدرتها
ازعلت ممشوقة العاتق ونا ما اقوى زعلها
اسدلت جلبابها والموت من طول رقبتها
تجدل انفاسي تلعب بي مع الدنيا حيلها
قلت اراضيها وانا نفسي عزيزة منزلتها
وغايتي من دونها العاشق يموت ولا وصلها
وقلت اخاصمها وانا نفسي يخوفني بختها
لي طموح وخايف الدنيا يصادفني جهلها
ولدت بعين الندم يوم ان عيني خاصمتها
ولدت لظرف كتبته يوم يمنعها خجلها
دورت حلم تسبب في ضياعة شيطنتها
وقالت اطلب منك كلمة ياهوى بالي وقلها
ما درت باللي سكن بين الضلوع من اولتها
ليت نفسي تسمع اللي في هوى خلي عذلها
ما درت عن حبها مع حبي لدار ربتها
ولو اعيش العمر كله ما يقنعني بدلها
يا عساي افداك يا عين ذبحني سلهمتها
ويا عساي فداك يا عشق خوافقنا دهلها
