يا مرحبا يا مبدل اللبس بحرام
من مبتدا ممشاك حتى النهاية
اهلين يا طلاب غفران الاثام
اعداد ما يتلى ورتل من آيه
يا مكملٍ خامس ركن دين الاسلام
يا متبع سنة رسول الهداية
أد,, المناسك وانت مرتاح ب اتمام
كلش رخا بامر المفدى ورايه
الحاكم اللي للحرمين خدام
يولي بيوت الله كل الرعاية
كل المشاعر كلها في شكل عام
للحاج تحظى باهتمام وعناية
الطرق سهلة ما بها ضيق وزحام
ولوحات للغادي بدربه هداية
ومنى لكم فيها السكن شيد خيام
ضد الحرايق عن لظاها وقاية
وبالرش صار الجو بارد بالانسام
في عرفة للحاج كله حمايه
وأمن وأمان ووفروا كل الانعام
خذ راحتك يا حاج في كل شاية
وعيدك مبارك كل عام ورا عام
وختامها ترحيب مثل البداية
الطبعة الاولى