من يلوم المحرر يوم ينخى القاصيد

ويطلب اللي لهم بالشعر صوله وجوله

يطلب الشعر وأهل الشعر قول وكايد

يرسمون الجهود اللي تقدم ذهوله

في سبيل الحجيج وما يقدم رفايد

من يدين المليك اللي يدينه بذوله

والوطن كله من اقصاه لا ادناه رايد

وفايز بخدمة الحجاج واللي يعوله

وخدمة ضيوف ربي عندنا أكبر عوايد

تمشي ابدمنا الخدمة لهم والسيوله

وكلنا بالتكاتف وضعنا وضع قايد

لين هالمملكة فازت على كل دوله

واذهلت كل من شاهد جديد البنايد

والله ان يعجز الشاعر بوصفه يقوله

وديرتي همّها تقديم كل الفوايد

في سبيل ان ضيف الله يلاقي حصوله

لين يلقى الرحابة والسعة والمدايد

من رحاب الحرم حتى يصل للحموله

وفي منى يا حلو صف الخيام الجدايد

ضد كل الحرايق صنعوها بسهولة

يا قف الوصف حاير والقلم والجرايد

والله ان ياقف الواصف بعرضه وطوله

عاجز لا يبين كل خدمة تزايد

من حرم مكة لغاية مدينة رسوله

ومن يلوم المحرر لو يناد القصايد

ينبض الحب دمه للوطن والبطولة