كل تهنا وفرح في ليلة العيد
وكل لبس من حلية العيد فرحان
وكل يقول امبارك العيد وسعيد
وانا عيوني تذرف الدمع سهران
وكل يشوف اللي عن عيونه بعيد
ويرتاح قلب تايه دوم حيران
تعيدوا كل الربع دون تنكيد
وانا على فرقا حبيبي بي احزان
صد وتخلى ضافي العنق والجيد
لين العدو وما بيننا صار شمتان
ياليت من يدري عن السر تحديد
وندري من اللي بيننا صارفتان
حسبي على من شب نار بي تقيد
وحسبي على منهو من الناس شيطان
يالله عسى في تالي العيد تجديد
ويالله اتهني بعيدنا كل حزنان
الطبعة الاولى