يا جدتي جعلك بجنات وانهار
وانتي من اللي يجتهد في طلبها
ياما سجدتي قبل يبدن الاسحار
نفسك لوال العرش يسرع ندبها
يا زينة الأخلاق للضيف والجار
ولا قط زعلت نفس وانتي سببها
قليلة الشينة مع كبار وصغار
ولا انتي من اللي تفتخر في نسبها
عساك بالجنة بعيدٍ عن النار
اخير من دنياً شديدٍ تعبها
ومن يوم صار الامر من وال الاقدار
اللي اجال الخلق عنده كتبها
تصبر عيون دمعها مثل الامطار
لازم تكف أدموعها في هدبها
بنت الامير اللي له اخبار وأذكار
اللي كبيرات المدائح كسبها
فيحان بن ناهس اليا جاه محتار
وليا عطا عطية ما حسبها
الطبعة الاولى