حبي لها أكبر من أبانات وطريق

وهاك الجبال الي ببلد حاتم الطي

الى ضحكت ينزاح من خاطري الضيق

وراحت همومي كلبوها ولا شي

يجي لقلبي داخل الجوف تخفيق

ومن فرحته فيها خطر يسبق ايدي

أنسى هموم الوقت وأنام وأفيق

وكني على الدنيا اجي بلحظتي ذي

تروي عطش قلب يحب المخاليق

ودور وفا مابه وفا الا بها هي

لا شفتها ودققت فالوجه تدقيق

حلقت في دنيا اكتست خضرة ومي

فرحة سعادة تطوق العنق تطويق

ثمرة غلا جتني وانا جيت كلي

ان كان بين الناس ميزه وتفريق

لقيتها النادر ولا ما ثلث حي

وان كان دنيا الناس خدعه وتلفيق

عن نارها سميت انا صغيرتي في

في وعساها لآخر العمر توفيق

تنبت سعادة بين اهلها وتنشي

سميتها بحروف للحب تصديق

أغلى حروف ضمها أبوي وأمي