فج الخفوق مدللٍ ما رحمني
عاقب رماحه فيه واقفت مطاياه
أقبل علي بخطوتين ونهمني
وفهق سبيبٍ فوق خده بيسراه
ويوم استدار وكل همٍ وهمني
لد لمعاليقي وآخذهن بيمناه
واقفى بعد خطاه جور وظلمني
ياكثر حبي له وياكثر جفواه
والمشكلة لو كل عاذل فهمني
كان استراح الفكر من بعض ماجاه
لكن كلٍ سل سيف وندمني
وأخذ يكيل اللوم في غير معناه
ولولاي اعوض بالشعر من حرمني
وصله واسج حروف فكري لطرياه
كان امرح الحزن برضاي وجهمني
والفجر ودعني صباحه وممساه
لكن عذري من خطاي ان جرمني
اني رهن جفواه لمعاوض رضاه
وهاك الصغير اللي هجر مارحمني
انا اشهد انه تل قلبي من اقصاه
الطبعة الاولى