ذكراك تكفي قلتها باقتناعي
يوم الأمل ياصاحبي فيك قد ضاع
أسعى ورى حبك أدور متاعي
قلبي شراك وقلبكم للهوى باع
لك خافق ضيع جميع المساعي
وحبك بقلبي بالشرايين طباع
أرخصتني يامن عليه إلتياعي
وإنت الغلى لك ثابت بين الأضلاع
أشوف ما للهجر في الحب داعي
يانور شمس بأسود الليل سطاع
قمت تتغلى ساعي في ضياعي
ما خفت ربك في الهوى يوم قد شاع
بينت لك صدي وزاد اندفاعي
ماكنت أحسب أنك في الحب خداع
طيبك وزينك في المخاليق شاعي
معروف عنك الزين في كل الأرباع
والحين جيت تقول مالك مساعي
خذ خافقك وارحل ولا تصير خزاع
ماكنت أحسب بأن قلبك صناعي
ياللأسف عشرة عمر ضاعت بساع
تكفيني الذكرى كفاية ضياعي
عساه درس بالمذاييع ينذاع
يمسع به اللي حب ويصير واعي
لا ينخدع بالمظهر الزيين يلتاع
الطبعة الاولى