صعبه اني يالغضي عنك اتخلى

ومستحيل احب مخلوق بدالك

لو تغلى يا حبيبي,, لو تغلى

خافقي بالشوق يالغالي عنالك

(ومن تغلى يالغضي قالوا,, يخلى)

مير والله,, ما قدرت اقطع وصالك!!

ما تسلى في غيابك,, ما تسلى

الخفوق اللي غدا ملكك لحالك

شف معاليقه من افراقك,, تدلى

من سبب فرقاك,, شفني صرت هالك

لا تزيد جروح مجروح,, تجلى

لك غلاه,, وكل ما تطلب عطالك

الطف بعين تهل الدمع هلى

ساكت,, ودمعي من الفرقا شكالك!!

وارحم اللي قال: لو انك تغلى

مستحيل احب مخلوق بدالك