وقت مضى فيه الرضا والطيب واجواد الرجال

فيه الشهامه والكرم رغم الحياة او مرها

ناس اضربت في حبها واخلاصها اروع مثال

ما غيره فقد وشقا لله ربي درها

اقلوب كانت مع بعض ماهمها دنيا ومال

كانت دفا بالبرد كانت في لاجا حرها

كانت قريبه من بعض رغم العنا وسود الليال

والآه من زود العنا مالوم من هوجرها

واليوم وين ايامهم تبدلت حال بحال

اليوم نفسي للاسف ياقل شي تسرها

انهدت ابيوت لنا من طين وانهد الوصال

لاذقت من غدر الزمن لزوم اروح امرها

احترت واحتار الفكر واحتار في بالي سؤال

وش كبر انفوس البشر مدري وش اللي غرها

من حيرتي في داخلي طال التساؤل والجدال

العيب مدري هو بنا والا زمنا ضرها

بالامس يربطنا الوفا واليوم يربطنا الريال

دنيا مصالح يا الهي فكني من شرها