يا بنت خوذي واقع الصدق فيني
من خلقتي ما قلت غير الصراحة
طبعي كذا ما غيرتني سنيني
وحسيت في طبعي على النفس راحة
افرح ليا من جوني الطيبيني
في شوفهم قلبي يزيد انشراحه
ولو ما معي غير الذي في يديني
لجل النشاما ما حسبت بمراحه
ورزقي على اللي بالعطا ما نسيني
المعتني في رزق خافق جناحه
يا بنت انا ادري بالوفا تعرفيني
وعندك دليل بنيتي والنصاحة
تكفين يا بنت الحلال ارحميني
حني على قلبٍ كثيره جراحة
ترى الوفا مطلوب بينك وبيني
انا صريح ورغبتي بالصراحة
الطبعة الاولى