تهل الدمع لاجا الليل عيني
واذا كفيت دمعي هل ثاني
اذا جا الليل يتزايد حنيني
بحور واسعات بلا مواني
تعود النفس الى ماضي سنيني
وأفكر واتفكر في زماني
ابي هذا وهذاهل يبيني
وأنا همي على هذا طواني
حقايق واضحة عندي يقيني
وأما أنتِ أحلام وأماني
ويا عزاه مما صار فيني
من الحرمان يا ماشي جاني
وكان أوفيت ما أوفيت أذكريني
محب طيلة الأيام عاني
أحبك عاد أنا وش في يديني
مع اللي لا تذكرته نساني
ألا ياليتكم مُلك ليديني
وتبقى عندي تنوّر مكاني
