ساجي التويجري أحد الأصوات الشابة البعيدة عن الأضواء,, ويسعدنا ان نقدمه من خلال مدارات في القصيدة التالية التي نترك الحديث عنها لكم بعد قراءتها:

يا زين يكفيني تعب يكفي ارهاق الحال والله ما عليها لحايق توعد مواعيد السعادة ويشتاق قلبي لميعادك واعد الدقايق اجلس على شانك ليا وقت الاشراق على الوفا بيني وبينك وثايق وان كنت صادق بالمشاعر والاشواق ماهي علوم تدّعيها لفايق خلك معي واضح ترا خاطري ضاق ماني لتكرار المواعيد فايق ياكثر ما ترسل علي من الاوراق والوصل من دون الورق له طرايق وان كان حبك ما صفالي بالاعماق ساعة تروق وساعة مانت رايق يكفي تردد لا مواصل ولا فراق دون المواجه ماتبين الحقايق غيرك صحيح يجوز يحرج وينعاق والا انت والله ما تعوقك عوايق لكن نويت تصير خاين وبواق عهد الوفا ما ينقضه غير بايق وانا ورا البواق والله ما نساق لو كان جامع زين كل الخلايق