لنا الله ليه ما تسلم ولا تنشد عن اخباري
وش اللي غيرك قل لي تراني بالهوى مجبور
علامك وش سبب صدك الا قل لي وش الطاري
هويتك وانت تعرفني ولا جيتك ابد بقصور
جروح اليوم والماضي هي الذكرى وتذكاري
ابذكر ما مضى واصفق بكف لكف يا المغرور
نسيت الامس ياناسي نسيت الشوق واشعاري
خذيت القلب وانهيته دفنته قلت لي ماجور
يجي لك يوم تذكرني ابيعك وانت لي شاري
واعز النفس واذلك تعيش بدنيتك مقهور
اباخذ منك ما اعطيتك ابا خذ منك انا ثاري
وابيع القلب واشواقي واعيش بعالمي مسرور
