هاهي الجنادرية تعود,.
وها هو شاعر الوطن خلف بن هذال يعود,.
يستقل الشعر في لقائه بعشاقه,.
فيبادلونه الشعر باكاليل من حب
يستلذون بشعره وينعم برضاهم عنه,.
علاقة قوية ,, تزيدها الايام متانه,.
احب الوطن,, ومن سكن الوطن,, فكتب الشعر له
ولهم بشجن ,,فهاهي قصيدة الوطن التي القيت مساء أمس في حفل افتتاح الجنادرية

إله الكون علام الغيوب مدور الافلاك بتقديره وتدبيره يدور الكون ويديره تعالى الله في ملكه ملك ويصرف الاملاك عزيز ومقتدر وبقدرته تمضي مقاديره له التوحيد توحيد الا لو هيه عن الاشراك تفرد بالعبادة واحدٍ ما ينعبد غيره عزيز الجاه نرجي مغفرتك ورحمتك وهداك نسألك العافية والعفو ولنا تكتب الخيره تراث المملكة يسعد مساك,, سيدٍ يرعاك مشاعرنا تفيض لحشمة الطيب وتقديره عمر ليلتك واظهر مستواك ونوّرك واحياك واعطاه الله حياة العز والنصر وكثر خيره ياحفل الله يحيى من حضر واللي يحبك جاك حضر سيد الجميع وردد الحادي مجاريره بدا سجع الطيور اللي تساجع في غصون الراك هنا طيرٍ سجع وهناك غصنٍ ساجعٍ طيره تجاوب باللحون الشاديه ويهزها طرياك تغاريد الطيور تشارك الشاعر بتعبيره هلا يا مرحبا في مرحبا من شاعر حياك يجيد الشعر في شرحه وفي طرحه وتصويره تراحيبٍ لعبدالله نرددها هنا وهناك على المنبر نحييبه وحيتبه جماهيره جماهيرك تهيم لشوفتك ويسرها لقياك يربع بالقلوب وتنثر الفرحة نواويره ولي العهد ياكرمك وياحلمك ويامقواك على الظالم اليا داس الحقوق بروس اظافيره ولي العهد والمظلوم وان جا صايحٍ ينخاك اي والله تنصره وبساعته تبدي تباشيره ولي العهد ما جابن النساء حلياك مشاهير الزمان تعد الاول من مشاهيره كسبت العز في دينك واخذت الفوز في دنياك امدك واسع الرحمة بتوفيقه وتيسيره لك المعروزف والفعل الجميل مخصص ينصاك ولك البيت الرفيع اللي تهافتبه خطاطيره ولي العهد حنالك وبالدم الحمر نفداك الياجا لازمك حنا الحرس حنا مغاويره ولي العهد من دونك حرسك مفادي يحماك حمتك حماية الله والحرس دونك طوابيره ولي العهد يامجد الحرس ويش الحرس لولاك يدك قامت بتنظيمه وتجهيزه وتطويره ولي العهد منا عهد لا ينقض ولا خناك ومن طبع الرجال تطبق العهد بحذافيره يمين الشرع نغضب من غضبك ونبتهج لرضاك ترى هذا الكلام وعندنا اثباته وتبريره حفظ ربي فهد واللي رباه محنك رباك يانعم التربية والتزكية درسه وتحضيره ابونا ذخر ابو نا مثل ابوه معرب شرواك اخوك اللي بدا في عالم الاسلام تأثيره دعا للحق فكاك العقد للمعضلة فكاك فهد والحل حله واصوب الافكار تفكيره ملك يحكم بعقل وميز فهم ومعرفة وادراك على الميزان ما تنقص ولازادت معاييره ملكنايا ملكنايا ملكنا سلّمت يمناك تعيش وترفع العمران وتشيد مقاصيره كتاب الله دستورك ومبدا المصطفى مبداك حكمت بمنزل الرحمن من محكم دساتيره حميت مقدسات المسلمين وشرفك مولاك بتوسعة الحرم وطباعة المصحف وتصديره نشرته وانتشر للمسلمين ويافهد يجزاك على ما قمت به خير الجزاء من دايم الجيره ياكثر وكثر ما قدمت في دنيا الفنا لاخراك تبي تلقاه في يوم على المفلس مخاسيره ولا ننساك ياسلطان ياسلطان من ينساك ردي الحظ ينسى سيرتك ياطيب السيرة تبني دور خيريه وتعطي الناس مما اعطاك الياشح البخيل ولا تمتع من مدا خيره تنفس بالرجا صبحك وطلة في الدجا قمراك ورفت للسعد عينك ودقلك الفخر زيره عضيد ونايبٍ ثاني وزير وعوق من عاداك معك جيشٍ مدرب مكتمل بسلاح وذخيره يسرك كل طيب والردي خله على يسراك هل الرمعات والمعثور رمعاته معيثيره ظفرتوا ياملوك وخاب ظن المغرض الشكاك ثبتوا للحوادث مثل احد وتعار ووعيره امنتونا وامنا في وطنا يا وطن ما احلاك محليك الامان ولا لحقنا منك تقصيره الا يادار من عطرثراك ومن عمر صحراك من اللي حرر الملك العظيم وتم تحريره بعدما كنت ساحه للفتن صانك وصان حماك جلا وجهك بعدلٍ يدحر الباطل واساطيره كساك من الحيا والدين كسوة زاهدٍ تزهاك على الطاعه رفع شانك بتهليله وتكبيره طلع عبدالعزيز وصك حومات الوغا ثم صاك ابا الصوكات والصولات والفزعات والغيره حمل روحه على كفه على حبلٍ من الادراك تعمد بالسما وتعانق الجوزاء معاصيره زعيمٍ يحمل الراية ولا يجنح بها مناك ينّوخ للعدا ويسوطها بأكوان ومغيره ركابه مع سراب اللال مثل القوس والمسواك تباريه السبور وتذرع البيداء مداويره بيومٍ حر شمسه يسطلي والماء عدف وركاك تروح الدلو جات الدلو والغراف في بيره تصر بها الجنادب والحصا نار حفا واشواك تلاوذ من سمومه في ذرى السدره عصافيره على اكوار النضا مثل الضبا يم الهدف هذاك مسكرةٍ مصاريعه وصاحيةٍ نواطيره هدف والله هدف مخطور من دونه غثا واعراك ولا يقدم عليه الا بطل تنفذ تقاريره نفذ تقرير فتّاح الدروب مقطع الاسلاك بسيف في نصابه برشم الصايغ مساميره سطابه في الرياض وقال يا رياض انتهي منفاك صفا جوه بعد ما قام اخو نوره بتطهيره رمى اسباب الشبك بالسطوتين ومهنة الشباك اليا فشلوا هل التدبير ما تفشل تدابيره سطا بالكوت واستولى على محمية الاتراك لحاله ما خشى من سلطة الباشا وتحذيره هذا والله هو الصارم هذا والله هو الفتاك حلم حلمٍ كبير وجابت الايام تفسيره ولد لله درك من ولد يا معظمك واد هاك صنعت المعجزة وابدعتها يا راعي الديره بريعان الشباب ويافعي توك بغض صباك تفتق عنك شيٍ يترك التاريخ في حيره سريت بليلة ما واحدٍ فيها سرى مسراك ما اخذت من الضحى في فية المشراق تصفيره مساليك الذياب الضاريات اخذتها مسلاك على جرتك سرحان الخلا طارت مساويره رسمت الملحمة وانقذت شعبك واكتمل مسعاك يقولون السعد بدري يباشر مع بواكيره