الوقت ماشي والحبايب بعيدين
والعمر في ذكرى حبيبي قضيته
زوله بعيد وفي منامي يسلين
لا من غفت عيني بلحظة رايته
يا كيف ابنسى صاحبي كامل الزين
يا كيف ابنسى قلبي اللي كويته
الحب معروف قديم بكاسين
ذقت الهجر والوصل كاسه بكيته
يا مل قلب ذاق في حبك الشين
قلب العنا في بحر حبك رميته
تلعب به الامواج ما بينه البين
وانته ولا كنك بحبي دريته
وين المحبة والمحبة لنا وين
وين الكلام العذب وإلا نسيته
