* الرياض صلاح مخارش
الشاعر عبيد الدبيسي شاعر العرضة والمناسبات في المدينة المنورة كما ان له تعاونات غنائية مع عدد من فناني المملكة والخليج.
الشاعر الدبيسي هو كاتب اوبريت الجنادرية (أمجاد الموحد) لهذا العام وقد استغرق في كتابته قرابة الشهر,, ويسرنا ان ننشر بعضا من هذا الاوبريت الوطني الذي سيتغنى به الفنانون في الجنادرية غداً.
وحد الله وحد,.
بعدها يا موحد
وارفع ايدينك سما
وادع للي في سما
أرض الجزيرة سما
واذكر أمجاده وعدّد
ومنهو اللي يحصي امجاد الموحد
عبدالعزيز,, عبدالعزيز
نبتدي من وين يالساس العزيز,.
بالحسب,, ولا النسب
ولا يا فخر العرب
بالكرم ولا الشيم
ولا ياراعي الهمم
عن تاريخ لو تركته ما انكتب
ولا يالصقر الجزيرة
عن ملاحم عطرّت هالكون سيرة
الله الله ,, يابلدنا
انتي عزوتنا وسعدنا
يرحم الله من بناها
ويحفظ الله من رعاها

يامتعب الخيل ورهاف الهنادي يامعدل الميل بأسنان الرماح لا تكيد ولا تميل ولا تعادي كلمة التوحيد والهمة سلاح ياصباح الخير ومحياك بادي ياصباح الخير ياذاك الصباح من جمع شملنا حضر وبوادي الثنا والمدح في حقه مباح ماحدٍ عن سيرة التوحيد غادي هذا نور في سماه الشرق لاح سيوف ورماح لها دروع ورجال قلوب ما تعرف سوى كلمة الحق مابينهم جيش ورجلي وخيال مثل الصباح ليا ظهر نوره وشق وردوا عليه وبينت بيض الافعال يانجد عزك تو ما بان واشرق صبح الرياض اللي غدا عج وقتال تقدمت خيل وخيل بتلحق يوم ان ابو تركي شهر سيفه وصال سارت به الركبان بالعلم الاوثق عبدالعزيز وقالها,, نعم لا قال وانا اشهد انه لاثنى العلم يصدق قصة بطل صارت مضارب للأمثال لو انها عن باق الامثال تفرق يوم انتخى معزي وصوت بالاقبال والموت رجفة بين الأضلاع يسرق

*****

عبدالعزيز اللي حمى الدار بالسيف لين اذعنت بالشرع له واستقلت من عهده العدوان صاروا مواليف والخير عم وساعة الشر ولت لين اصبحت ما تنوصت بالتواصيف لبست حرير وبالجواهر تحلت الحضر صاروا من قرايب هل الريف والناس صدقان لبعض وين حلت طيبة بها الزاير يكرم تقل ضيف ومكة بها الحجاج طافت وصلت واسم السعودي فوق عالي المشاريف بأرض الجزيرة شمس عز تجلت

*****

التقينا على حب وموده واجتمع شملنا والفرح تم عقب ما كانت الايام شده الرخا بارضنا والخير عم شرعنا من كتاب نستمده كلمة الحق ما هي بالوهم عدلنا كل هالدنيا تعده ما حدٍ بيننا يوم انظلم سيفنا صارم والعدل حده شعب واحد وتجمعه القيم شيخنا ياعريب الساس جده لا دعا كلنا قلنا نعم نحمد الله على جوده ومده صرنا امة وتعرفنا الامم صرنا شعب يدير امره بيده امر شورى ورفرف ياعلم يابلد ياللي ترفعين الراس والسعودي يفتخر باسمك بعد في ترابك صفوة الناس الحرم والبيت قبلة من قصد يابلد ياللي ترفعين الراس