* الاهداء: الى أبي شفاه الله وعافاه,.

ليت هالضيف الثقيل اللي ذبحنا حله يا يبه ماجاك,, جا لاكبر ولد بعيالك ليت راسي يحمله جعله فدالك كله وانت راسك مرتفع وتسر عيني حالك والله انا ياجبلنا اللي فقدنا ظله من هذاك اليوم والدنيا ظلام حالك كل عله فيك,, فينا من سببها عله لا تحسب ان المرض يابوي فيك لحالك ليت له يوجد طبيب يعالجه وندله او يا ليته ينتقل للي حزين اقبالك والله انه لو لعب في صحتي ما مله بس ما ابغا يسألوني: ليه سارح بالك؟ ما دروا باللي هنا حطم ولدك وذله صرت بظلالي عقب ما كنت انا بظلالك وكل ما قدمت لك يا سيدي ياقله لو اضحي في حياتي ما لحقت أفضالك والمرض دامه من الله,, يا الله انك يالله تشفى اللي يحمدك راضي بكل افعالك غير لطفك يا كريم ورحمتك هو من له يا إله اقبل دعا اللي لك شكر واثنا لك