Friday 28th January, 2000 G No. 9983جريدة الجزيرةالجمعة 21 ,شوال 1420 العدد 9983



حلول اللغز

نشرنا في يوم الجمعة الماضي لغزا كتبه الشاعر هديبان الجعفري وجاءت الحلول كما يلي:

وادي مرخ شال الكسر يا هديبان
وصل اجزرة مليان يمشي بهونه
من مزنة يا الجعفري جت مسيان
رعادها اللي بالحفر يسمعونه
وادي الرمة جا يا ابيض الوجه مليان
صافي يشوق العين يا زين لونه
"4" COLOR="#000073" face="Simplified Arabic">الزلفاوي
"4" COLOR="#000073" face="Simplified Arabic">الزلفي
***************

يا مرحبا باللي بنى اللغز باتقان
عدة مباني الرس ومن يسكنونه
وادي الرمة حله ولانيب غلطان
سكان نجد كلهم يعرفونه
"4" COLOR="#000073" face="Simplified Arabic">صالح عبدالله التميمي
"4" COLOR="#000073" face="Simplified Arabic"> الرس
***************

ياللي كتبت اللغز شوّقت ولهان
للوادي اللي راحتي في ركونه
ممشاي به لو كنت جايع وضميان
يجلي عن القلب المعنى حزونه
وادي الرمة جعله الهتاف الأمزان
الوادي اللي ربعنا يسكنونه
محمد سعود بن زايد البيضاني
اللغز واضح للذكي يا هديبان
يالجعفري كل البدو يدهلونه
علم عليه من المشاكيل برهان
احسب حسابه قبل لا تنزلونه
هذاك اللي لا دهرت كل الاوطان
وادي الرمة ما اظنكم تجهلونه
"4" COLOR="#000073" face="Simplified Arabic">حمود نويفع الغيداني
"4" COLOR="#000073" face="Simplified Arabic"> دخنة
***************

قال الذي في حل الالغاز ولهان
مع لابه بتراثنا يكتبونه
يوم إن ابن راشد كلامه لنا بان
وسط الجزيرة واضح ينشرونه
وادي الرمة يطوي براري وضلعان
يبدا من الحرة قوية امتونه
"4" COLOR="#000073" face="Simplified Arabic">علي رشيد الرشيد
"4" COLOR="#000073" face="Simplified Arabic"> رياض الخبراء
***************

أهلا هلا والرد جاكم ببرهان
جاكم على المطلوب ياللي تبونه
أقول وادي الرمه الحل يا ملان
معروف كل الناس ما يجهلونه
واد يسر القلب لا صار مليان
يا زين شوفه يسعد اللي يجونه
***************
"4" COLOR="#000073" face="Simplified Arabic">محمد بن عبدالعزيز الخنيفر
***************

أبدا بذكر الله على كل الأزمان
اللي جميع الخلق ما يعجزونه
وسلام يا هديبان ولكل الاخوان
نبي نشارك بالجزيرة أفنونه
وادي الرمه إن كنت ماني بغلطان
هو حل لغزك بين من عيونه
"4" COLOR="#000073" face="Simplified Arabic">كريم عيسى العنزي
"4" COLOR="#000073" face="Simplified Arabic"> الخرج
***************

يا مرحبا يا صاحبي يا هديبان
اللي بدا قاف تهيض لحونه
انا عرفت اللغز كله على شان
ذكرتني مرباعنا العام دونه
وادي الرمة يالله تسقيه الامزان
حتى البدو من كل ديره يجونه
***************
"4" COLOR="#000073" face="Simplified Arabic">ماجد بندر العتيبي
"4" COLOR="#000073" face="Simplified Arabic"> الرياض
***************

عرفت أنا الرجل الذي دوم عريان
وكل العرب لا بد يوم يجونه
والحل واضح يا ابن راشد هديبان
ولا هقيت ان العرب يجهلونه
وادي الرمه وادي ومن ضمن وديان
يملاه ربي من مخايل مزونه
***************
"4" COLOR="#000073" face="Simplified Arabic">عبدالإله حسن القعيري
"4" COLOR="#000073" face="Simplified Arabic">المزاحمية
***************

يا مرحبا ترحيبة يا هديبان
بك يابن راشد جعل مالك مهونه
الله يجيب الخير من منشي الأمزان
يستر عراه العشب ويحول دونه
وادي الرمه ان كان ماني بغلطان
هو حل لغز الجعفري تاجدونه
"4" COLOR="#000073" face="Simplified Arabic">الشاعر محمد نوران جهيم الرشيدي
"4" COLOR="#000073" face="Simplified Arabic">الرياض
***************

ياما حلى لغز تقل غيث الأمزان
من شاعر جابه لناس يبونه
لغز تقل واد الرمه قدر الامكان
من فرحتي به يوم شفنا بيونه
في صفحة للشعر منبع وعنوان
شعر يضم اتراثنا في ركونه
"4" COLOR="#000073" face="Simplified Arabic">محمد المويعزي
"4" COLOR="#000073" face="Simplified Arabic">بريدة
***************

البحر هو موطن خطر وين ما كان
ياخايفين البحر لا تقربونه
وادي الرمه من نازل المزن رويان
وحمى الصحابة لخيلهم يذكرونه
"4" COLOR="#000073" face="Simplified Arabic">بدر الحزيمي
***************

هديبان بن راشد بالألغاز فنان
عبر الجزيرة لغزكم تنشرونه
وادي الرامة يجري كما وصف شريان
وسط الجزيرة والعرب يعرفونه
حليت لغزك يافتى الجود باتقان
هذا هو الحل والشكر تقبلونه
"4" COLOR="#000073" face="Simplified Arabic">عبدالعزيز الرعوجي الفهيد
"4" COLOR="#000073" face="Simplified Arabic">الأسياح/ عين بن فهيد
***************

اللغز,, نعم اللغز صاغه هديبان
عن وادي عشق المطر في بطونه
واد الرمه ماظن يحتاج برهان
كم شاعر أهداه أعذب فنونه
أنشهد أنه ذايع الصيت له شان
يارب,, تسقيه المطر من مزونه
"4" COLOR="#000073" face="Simplified Arabic">سهر الحسين
"4" COLOR="#000073" face="Simplified Arabic"> الرس
***************

باسم الذي لا قال للشي كن كان
اللي عباده دايمٍ يرتجونه
وادي الرمه معروف ياذرب الايمان
واللغز واضح والعرب يفهمونه
"4" COLOR="#000073" face="Simplified Arabic">سعد باني المخاريم الدوسري
"4" COLOR="#000073" face="Simplified Arabic">وادي الدواسر
***************

لغز قريته بالجريدة مسيان
عرفت حله وأعجبتني لحونه
لغزك يا ابوراشد موضح ومليان
وأبا أرسله لتراثنا ينشرونه
وادي الرمه معروف في كل الأزمان
وأهل الجزيرة كلهم يقطعونه
ليانبت عشبه تهاواه الأظعان
تلقا البدو غب المطر ينزلونه
"4" COLOR="#000073" face="Simplified Arabic">العضياني
"4" COLOR="#000073" face="Simplified Arabic">القصيم المليداء
***************

قريت لغزك واضح يا هديبان
وعرفتنا حله ولالك مهونه
عزالله ان اللغز واضح ومليان
وادي الرمه كل العرب يعرفونه
"4" COLOR="#000073" face="Simplified Arabic">محمد باني عقاب الدوسري
"4" COLOR="#000073" face="Simplified Arabic">الرياض
***************

يازين وبل الغيث لاهل ودان
في مرتع وأهل الحسد ما يجونه
تلقى نباته مثل زرع ببستان
متخالف بالوصف ريحه ولونه
شوفه يشوق اللي على البر شفقان
لا صار فيه الطير يزعج لحونه
ويزيد حسنه ياهل العرف نيشان
وادي الرمه لاسال واسقى غصونه
"4" COLOR="#000073" face="Simplified Arabic">فهد الجروان
"4" COLOR="#000073" face="Simplified Arabic">الزلفي
***************

اللغز فتنه والولع طبع الانسان
والقاف تفتني عجايب إفنونه
لغز التراث اليوم قاله اهديبان
اللي يبي حياه واللي تبونه
اللي يبي معروف واضح للأعيان
وسط الجزيرة والعرب يعرفونه
وادي الرمه غطى على كل وديان
عساه يجري من همايل إمزونه
"4" COLOR="#000073" face="Simplified Arabic">فهد بن عقيل الطويان
"4" COLOR="#000073" face="Simplified Arabic">بريدة
***************

الكيف طاب وجبت انا البيت مليان
بيت يسلي من تسمع لحونه
لغز الجزيره يوم جابه هديبان
معناه جانا من فرايد فنونه
عسى السحاب اللي به الرعد رنان
سيله على وادي الرمة يذكرونه
ياخذ عليه اسبوع ديمه وهتان
واسبوع تلقى العشب يسحرك لونه
"4" COLOR="#000073" face="Simplified Arabic">عطا الله بن سليمان العطا الله
"4" COLOR="#000073" face="Simplified Arabic">الزلفي
***************

سلام مني عد همال الأمزان
واعداد ماهل المطر من مزونه
للشاعر اللَّي لغزه اليوم مليان
مليان لغزه والعرب يفهمونه
وادي الرمه حله ولا نيب غلطان
وكل الرجال الفاهمه يرمعونه
"4" COLOR="#000073" face="Simplified Arabic">حماد جزاء الحنيني
"4" COLOR="#000073" face="Simplified Arabic">ضريه
***************

لغز قريته بالمدارات مليان
من شاعر واد الرشا حال دونه
هذي حلول اللغز ماني بغلطان
وادي الرمه لاسال لا تقربونه
نصيحة مهداه للشاعر هديبان
عن الشعيب العود يبعد اضعونه
"4" COLOR="#000073" face="Simplified Arabic">مساعد بن عبلان بن شويمس
"4" COLOR="#000073" face="Simplified Arabic">الرياض
***************

اهلا هلا بك مرحبا يا هديبان
ماناحت الورقا بعالي غصونه
الحل هو وادي الرمه طوَّق ابان
لا سال واخضر من بعيد يجونه
"4" COLOR="#000073" face="Simplified Arabic">منصور عبدالله المجيدل
"4" COLOR="#000073" face="Simplified Arabic">الرس
***************

قريت لغز لبن راشد هديبان
يسحب على صدر الجزيرة اردونه
يمشي على وادي الرمه بايسر أبان
ما بين ابانين استقامت اركونه
"4" COLOR="#000073" face="Simplified Arabic">نافع الحربي
"4" COLOR="#000073" face="Simplified Arabic">الرياض
***************

يا حلوها يوم اقبلت يا هديبان
رحب بها الجو اللطيف بسكونه
ماهيب عجله جت تهادى مسيان
يضحك محياها عطوف حنونه
يا ليلة ما بين بارق وهتان
يرقص لها العشب اوتمايل غصونه
وادي الرمه مع طلعة الشمس مليان
وادي الرشا يقلب ولا يقربونه
"4" COLOR="#000073" face="Simplified Arabic">محمد بن عبدالكريم الغزي
"4" COLOR="#000073" face="Simplified Arabic">الزلفي
***************

يا مرحبا واهلاً هلا يا هديبان
اعداد ماهل المطر من مزونه
واعداد ما سالت من الغيث وديان
منها الرمة لا سال زادت ضعونه
وسلام مني عد ما قيل قيفان
على الذي تراثنا يحفظونه
"4" COLOR="#000073" face="Simplified Arabic">محمد بن حمد البدر
"4" COLOR="#000073" face="Simplified Arabic">الزلفي
***************

عسى المطر يسقي لنا كل الاوطان
خير من المنشا تكاشف مزونه
وادي الرمه يجري من الغيث مليان
ياخذ شهر روادنا يذكرونه
نبت الخزامى والنفل سر الاعيان
تشبع به الذيدان بأول حتونه
"4" COLOR="#000073" face="Simplified Arabic">موسم سفر القثامي

رجوعأعلى الصفحة
أسعار الاسهم والعملات

الاولــى

محليــات

مقـالات

الثقافية

الاقتصادية

فروسية

أفاق اسلامية

عزيزتـي الجزيرة

الريـاضيـة

أطفال

شرفات

العالم اليوم

تراث الجزيرة

الاخيــرة

الكاريكاتير


[للاتصال بنا][الإعلانات][الاشتراكات][البحث][الجزيرة]
"-1">ContactMIS@al-jazirah.com with questions or comments to c/o Abdullatif Saad Al-Ateeq.
Copyright, 1997-1999 Al-Jazirah Corporation. All rights reserved.