زاد العنا في داخل القلب والروح
وتجددت للروح صفحة عناها
صفحة غلا ريح الشذا منها يفوح
منها عنا روحي وفيها شفاها
فيها شفا قلب معذب ومجروح
ونفس معذبها الغرام وسقاها
مجروح من كثر الصواديف والنوح
وجروح راعي الود صعب دواها
يا عاذلينه مالكم منه مصلوح
خلوه يكمل رحلةً له بداها
الحب ماهو بس ضحكات ومزوح
ولا مصالح نفس شخص وخذاها
الحب راعيه بعيدٍ عن البوح
حب القلوب اللي رفيع هواها
اللي محبتهم من الروح للروح
صدق المشاعر بالمحبة بناها
