نمشي بها الدنيا على فكر وقياس
لكن تضيع ايامنا من جهلها
نهادن اللحظات مع كل الاجناس
ونقود بعض ايامنا,,؟ ونختلها
ايامنا اللي كلها احساس باحساس
ماحد تواضع للجروح وحملها
الا خفوق يابس,, منك ايباس
ايبست,, وديان الخفوق وسهلها
عين بكت بعدك على قرب الانفاس
الله يجزاها على ما هملها
وقلب يشيل من الهواجيس هوجاس
الله يخلي للهواجيس اهلها
يا صاحبي جيتك هواجيس اخماس
جيتك ونفسي,, من عنا الوقت بلها
جيتك وابا اسمع كل هرجك على الراس
والكلمة اللي تتعب القلب قلها,.
والشاعر اللي,, ضايقه فيه الاعراس
قام,, وخذا بعض الليالي وقتلها
متبري منها,,؟ وحتى من الناس
متبري,, من كذبها,,؟ من غزلها
ما غير ادافع بالأمل مظلم الياس
وعيوني الثنتين,, مسرح ,, وملها
واضحك,,؟ واجامل مير لاهب نسناس
ابكي على هالقلب ,, واقول شلها
