ويستمر تفاعل الشعر الشعبي مع حدث هذا العام وهو اختيار الرياض عاصمة للثقافة لعام 2000 فلأميرها المحبوب سمو الأمير سلمان بن عبد العزيز وسمو نائبه وكل المخلصين في عاصمتنا الحبيبة نزف التهاني والشكر على كل مجهود بذلوه لرقي رياض الحب,,وعاصمة ارض السلام والاسلام,, وبيت العرب:

تدللي يا عاصمتنا الحبيبه لك الاماني حققوها السلاطين اللي تبينه يا الرياض ابشري به حظك كبير ولك مكانة وتمكين المستحيل المستحيل احلمي به ما للمحال بوجه إراداتهم,, عين بعزوم من فولاذ وارياً صليبه يصير واقع له شهود وبراهين واميرك المخلص عسى الله يثيبه الله يمد بعمره آمين آمين لبسك ثوب المفخرة فاخري به خلاك من بين العواصم تباهين وانسانك بعزمه وحبه وطيبه عطاك يومنك سخيه وتعطين رد الوفا طبع السعودي وعيبه والدار حبه والوفا له من الدين فزتي بتقدير العرب يا عريبه للنهضة اللي تشهدين وتعيشين للعز يا بيت العرب ياالعجيبة يا عاصمتهم للثقافة بالالفين ينال ميدان الثقافة نصيبه يجاري النهضة بكل الميادين وهذي ثمار جهود ما هي غريبه على الرجال الطامحين المخلصين