(يا نهار البشاير) وين انا وانت
كم صبرت انتظر منك بشاير
انتظرتك تزين وما بعد زنت
والمقابيل ارباح وخساير
كم نهار تعدى وانت وين انت
والله اللي عليم بالسراير
كم انا كنت لك ملهوف واعلنت
في خفوقي لك اشواق تطاير
يكفي انه خفوقي مابه الا انت
وزحمة اشواق لك بين الضماير
انت بس لو تشوفه كان ايقنت
ان حبي صدوق وحب غاير
والله اللي عليم كيف انا كنت
بعد ما غبت حالي شلون صاير
لاانت اللي غبت عني ولا انت بنت
ما تجي الا ودم القلب فاير
ما دريت اني احبك حب وآمنت
والمشاعر عن الفرحة تطاير
يا صباح البشاير ليه انا وانت
مااجتمعناولا شفنا بشاير
