يا زين حبك دم وسط المعاليق
والنبض فيها كل لحظه وساعه
انتِ المطر عندي وانا يابس الريق
وانتِ هوى بحر وقلبي شراعه
مالك بديل بين كل المخاليق
ولا لنفسي في جفاك استطاعه
ارجوك لا تنسين ذيك المواثيق
ارجوك لو يسوى خفوقي شفاعه
غربت عنك بالهوى بعد تشريف
ولقيت قلبي ما تغير طباعه
في بعدكم والصد ما شاف تفريق
غير ان في بعدي عليكم لكاعه
الله لنا حنا هوانا توافيق
على هوى المحبوب سمع وطاعه
مثل الضلوع اللي تعيش السعه ضيق
تتبع مزاج اللي تجني ذراعه
