يا حاضر الحزن,, بغياب الفرح وش لقيت
بجروح روحٍ تحت كف الشتا نار
غنى الهوى واستدار,, ومنه غنيت
يا عونه الله الى من الهوى دار
انا ودنياي فوق كفوف عفريت
لين اوقفتني ما بين النار والغار
الليل وحشه,, وسجات وتصاويت
والصبح لوعه,, ومن يختار يحتار
انقل جروح الغلا وارثى هوى ميت
تحييه ذكراه,, والسمار والطار
اقفى ولا اخطا وانا قفيت ما اخطيت
المخطي الوقت,, مني يطلب الثار
وانا ذبيح الزمان برمح ياليت
وادور لحلم روح مات,, الاعذار
ما دام الارياح تنقل عاطر الصيت
روعي يضمه عن الاخيار الاخبار
اخبار الاخيار يا من عنهم اوحيت
جل المرا وين فوق بكار ومهار
لا ردت اخبارهم منها تشاويت
امجادهم عقبهم تاريخ واذكار
