الليل روّح وانتهى الظلم والزور
حكم الشريعه ساد ما بين اهلها
والشمس بانت واشرقت وابتدى النور
من يوم ابو تركي بنفسه وصلها
من يوم خلصها من الجهل والجور
عبدالعزيز من الظلام انتشلها
والمملكة ترفل مع الخير بسرور
واستبدلت بالعلم ماضي جهلها
صارت تضاهي بالحلا جملة الحور
صقر بثوب العز بدل سملها
اسمك يا بوتركي على القلب محفور
يمناك ما ننسى روايع عملها
من شال سيف الحق لاشك منصور
شال المرار وقال دوكم عسلها
مشكور ابو تركي نعم حيل مشكور
اللي على هام السحايب حملها
من صغر سنه في هوى نجد مفطور
والروح قالت له بعد ما سألها
المملكة برّان واجواء وابحور
سهل ونفود وتلّها مع جبلها
عشق قديم وشوق واحساس واشعور
عشقت ريضانه وعالي نخلها
يرحمك ربي عد ما طارت اطيور
واعداد ما يذري الهوا من سهلها
عسى الذي يسر لنا كل معسور
ينزلك بالجنه مع اللي نزلها
