نشرنا في الاسبوع الماضي لغزا للشاعر سعود شنار السهلي وقد جاءت الحلول كما يلي:

يا مرحبا باللي كتب لغز وابيات واعداد ما هل المطر من ثقالي نعطيك حل اللغز يا سعود فبيات وانجاوبك فالحال عقب الوصالي اللغز حله ليلة القدر لاجات يفرح بها المؤمن ورب الجلالي

سالم عبدالله سالم العرجاني
الافلاج
***

أزكى سلام نرسله مع تحيات للي عطانا بالجزيرة سؤالي شهر الصيام اللي تميّز ابطاعات نسعى لفعل الخير لا جاء مجالي به ليلة وحده اتخصص ابميزات كم واحد يفرح بمنزال عالي

علي رشيد الرشيد
رياض الخبراء
***

ابيوت جزله والمعاني جزيلات سطر بهن سعود لغز خيالي يا سعود حل اللغز ما به مراوات شهر رمضان وفيه نعم الليالي ارجي عزيز الملك رب السموات في ليلة للقدر يسمع سؤالي يغفر ذنوبي كلها والخطيات ويغفر لمن يقرا ويسمع مقالي

عطا الله بن سليمان العطية
***

يا بن شنار الزين في نظم الابيات ويا سعود لغزك عندنا اليوم غالي اقول شهر الصوم واليوم قد فات وحنّا نتحرّى غاليات الليالي وياللي تبون الخير هذي السعادات تكفون همّوا تكسبون المعالي

محمد بن عبدالعزيز الخنيفر
***

الله واكبر هالليالي سريعات راح الهلال وجا بداله هلالي شهر رمضان اللي لياليه خيرات رحمه وغفران وبه عتق صالي الله يعيده فالامن والمسرات وحنا بخير ودايم الحظ عالي

موسم بن سفر القثامي الطائف
***

لصفحة تراث ارسل سلام او تحيات وسعود واللي يستمعها او قرالي واللي نشد له حق ما فيه شكات يعرف جنوب وغرب وشرق وشمالي شهر ارمضان اللي قصدتوه بالذات عند الولي يسعود والناس غالي ايام شهر الخير يسعود عجلات ياحظ من صامه وقام الليالي (ليلة قدر) فيها عوض كل الاوقات يا سعد من خيره وفضله ينالي

فهد بن عقيل الطويان
***

لا والله الا حل بالصدر ضيقات من يوم زل اللي على القلب غالي راح (رمضان) اللي نفل كل الاوقات امنفله رب على العرش عالي شهر العمل والمغفرة والبطولات شهر العطا يا مدورين التوالي يالله يا رفاع سبع السموات تقبل عملنا فيه يا خير والي

فهد الجروان
الزلفي
***

يا شاعر يبدع بيوت ثمينات من فيض فكره مثل نقد الريالي واللغز شهر الصوم حله وكيدات مثل الشعر بوجيه بعض الرجالي

ام عادل
عنيزة
***

يا سعود يا راعي العلوم الشكيلات وفيت لغزك في قريب الكمالي ليلة قدر اخير من ألف ليلات من عاشها يجزى بها كل فالي

صالح عبدالله الخلف
***

ياسعود لغزك بان حله بلحظات لحظة قريته بالجريدة بدالي شهر رمضان وهي بعشر الاخيرات ليلة فضيلة بد كل الليالي

محمد هذال آل بريك
***

ياسعود لغزك شهر فيه البركات الرجل شهر والبنات الليالي اللي يبلغنا رفيع الدرجات ويجعل لنا بالقدر منزال عالي

بدر خلف الحزيمي
***

شهر رمضان الله يعيده سنوات شهر فضيل ومنزله دوم عالي به ليلة فيها جزيل المثوبات ليلة قدر تأتي بعشر التوالي

منصور مطلق الشراري
طبرجل
***

أرسلت حل اللغز في جملة ابيات لحظة قريت اللغز حله طرالي شهر رمضان الحل ياسعود ما فات شهر عساه يعود يا ابن الحلالي

حماد جزاء هجاج الحنيني
***

بسم الذي ينشي حقوق المخيلات نبدا بذكره دوم في كل حالي اللغز ما تنكره يا سعود هيهات (شهر ارمضان) اللي على القلب غالي

منصور بن عبدالله المجيدل
***

يا سعود انا ما اجزم على شي بالذات لكن عسى المعنى على ما طرالي ان كان ماني موهم بالاجابات شهر رمضان الحل ياظن بالي

سرور سفاح المطيري
***

سلام ما جن النوادر امطيعات يقودهن حرف البها والدلالي وصل سلامي يم صفحة مدارات الصفحة اللي عاشقة كل حالي وبوالبنات اللي بناته جميلات شهر ارمضان اللي نفل كل غالي

نافع الحربي
***

عرفت أنا حله ولا به مراوات ساعة قريت اللغز يا ابن الرجالي هذاك شهر الخير شهر العبادات ياما حلى الايام به والليالي شهر فضيل له بنات جميلات من ضمنهن وحدة لها قدر عالي ليلة قدر منزل بفضله آيات سورة عظيمة من عزيز الجلالي

صالح عبدالله التميمي