لا تحسبن اني من البعد اشتاق
اعز نفسي خصلةٍ دوم فيني
ما اتعبتني منك لوعات وفراق
وما اذل لو ينزل من الدمع عيني
تجمدت فيني أحاسيس عشاق
ما يرجع اللي فات كلمة ضنيني
وفّر عليك أية مراسيل واوراق
هاذي تراها ما ترجع حنيني
ترى انا ما رخيت لانسان أعناق
الا لمن هو خالق الروح فيني
يمكن انا اتذكرك في طيف الاحداق
ذكرى عبرت في دنيتي في سنيني
لاني خلاص اليوم عزمت لفراق
وجيتك عندي ما تغير يقيني
حاول تناسى حبنا كل الاشواق
انس الذي قد كان بينك وبيني
