اللي لها في وسط قلبي مداهيل
الله على روحي وقلبي ومرها
ادرج غلاها يا بسات المحاحيل
اسقى بها عطش العروق وعمرها
طالت معه خضر الغصون المهاديل
ظلت على هاك الفؤاد بثمرها
ربي عطاها كامل الزين بالحيل
الوصف يقصر لو بقيت اختصرها
اخلصت في حبي لها رغم ما قيل
كل العوايق ما منعني خطرها
لجل العيون الناعسات المظاليل
ما ودي ابعد ناظري عن نظرها
وانا الوحيد ولا لغيري مداخيل
في قلبها محدٍ بحبه غمرها
ولا غيرها له وسط قلبي مداهيل
الله على روحي وقلبي ومرها
