قلبي بحسنك عند عيني تباها
قالت نظرته قال قبلك عشقته
من يوم ردد بالضماير صداها
وانا على السومات سومه فرقته
زاودته الحرفين سوم وشراها
واعطيته النيه ومعها اعتنقته
ما امهلت حبه للظروف وعطاها
ولا أعتبرت اقبال وادبار وقته
احسنت به كل الظنون وحماها
حكمة زماني من وثق بي وثقته
فزيت له والعين عافت كراها
واللي فهقني من هجوسي فهقته
قالت يا مغرم بالورود ونداها
وشلون لو شوفي دقايق سرقته
والله ما تاسعك نجد وفضاها
ولو كل طرقٍ ما طرقته طرقته
