ليلة العيد عن عيني تنحّا رقادي
هاتفتني,, منى روحي,, وعشق القصيد
قالت: العيد بكره,, قلت ماهو بعادي
عندي العيد,, ذا,, عيدين ماهو بعيد
عيد عمري بشوفك لي يمد الأيادي
معك يلفي عليَّ يقول: عيدك سعيد
ليت كل اربع اشهر عطلة للعبادي
تجمع الناس والافراح فيها تزيد
لجل عينيك يا اللي عندك القلب غادي
بس بملا عيوني منك,, ما غير,, أكيد
آه محلا الاماني لو تجي في مرادي
كان أخلي كلامي ليت هرج,, ونشيد
كيف يا ليت محدٍ من وراها استفادي
ما حدٍ من وراها حصل اللي يريد
مير يا اغلا بنات الناس حضر وبوادي
عل عيدك سعيد وبالاماني يعيد
تصبح اعياد عمري لا قربتي جدادي
حت لو شوفتي لك من بعيد لبعيد
يوم عقب البطا جيتي تريح فؤادي
وابتدا,, عيد عمري والهنا من جديد
