يا كبر هالقلب ,يا خبله ويا صبره
عليك يا للي تطيرش وانت توحيني
صبرت صبر المهادي وقلت الدبره
وابطيت انادي عليك وضاعت سنيني
يا ليت صوت اجره وانت تختبره
يرجع يجمع صداه وينتحر فيني
واجمع شتاته بقلب طيب تخبره
واكتب عليه الهقاوي ما تهقويني
هذا القلم لو خذلني با خل بحبره
لا اكتب بضلع تغذى من شراييني
وان يبست شفاه ظميا ظامي العبرة
يستعذب الما من اللي تذرفه عيني
يا سود الايام لو خبر الولد خبره
ما تسرق الريح ضحكاته وتشقيني
طير الهواوي غدر به بالهدد سبره
اطلق سبوقه وانا اللي تصفق يديني
اقفى يتهزع لرجم صار له قبره
وانا قبرته بصدري لا تعزيني
طويت هاك الغرام وذاك يا كبره
بأحلى امنياته طويته يا مذكيني
