يا عيد مالك فرحة في عيوني
نسيتني مدري زماني نساني
ما قدرت افراحك تعانق شجوني
أحزاني اكبر من كلام التهاني
حاولت اجاري فرحتك وكشفوني
لا جيت ابي اضحك ما استمرت ثواني
يا خذني الماضي واصارع ظنوني
واراجع ايام مضت من زماني
ايام لو راحت حشى ما تهوني
نسيانها صعب على من يعاني
يا ليتهم يدرون من غالطوني
ان الهوى ما عاد له عصر ثاني
ويا ليتهم يدرون من عايدوني
ان الفرح ماله بقلبي مكاني
