يا اللي مع الدنيا مضيع شبابه
افطن تزل اخطاك فيما تسويه
لا تأمن الدنيا من الانقلابه
يجيك يوما ما حسبت لقوافيه
كم واحدٍ قفى وصفى حسابه
ما يدري ان النفس بيدين واليه
إن كان يا لمغرور تبغى المثابه
درب الرجاله والكرم لا تخليه
تجنب اللي رايحٍ في هبابه
لا نافع نفسه ولا الرب مرضيه
يمشي على رايه ورايه سرابه
ما يدري ان الدرب ساري ومخطيه
ترى دروب الطيب طلٍ مشابه
الا الذي عقله مع الناس مغويه
يعيش كنه عايش بغابه
حتى يجيه الموت من بين اياديه
يا بندر اسمع هرجة من قرابه
ما هي بهرجة واحدا ما تدانيه
اللي دروبه تايهه وشتبابه
اليا مشى في طرقته لا تخاويه
واحذر قريبك لو ضحك لك بنابه
قلبه غثيث وكاثراتٍ بلاويه
وصلاة ربي عد ممطر سحابه
على نبيٍ بالرسالة مزكيه
