مزيون ياللي مشيت بهون ومقفي
جذبتني بالغرام ولا انحنى راسي
شفتك بعيني تقود الموت في صفي
ما تدري اني قوي الراس والباسي
العين لك ناظرت والقلب متوفي
قلبي قتلته قبل ما تملك احساسي
موته جمالك ورمش العين مارفي
طحت بغرامك ولكن طحت متواسي
ان قلت يا عيونها من نظرتك خفي
قالت تثبت قبل ما احطك براسي
يابنت شوف الجمال يلفني لفي
دار الفلك بي وتهت وضاعت انفاسي
ياليت كفك يصافح بالغلا كفي
وارخي عنان المحبة قبل ما احتاسي
مقابلك غايتي ومنايه وشفي
ومفارقك همي وجرحي وهوجاسي
يالفاتنه كان ما يمي نظر عفي
وانا تراني من اول نظرة ناسي
ان كان نبع الغرام من اوله جفي
لا عاش رجال ما يضرب على القاسي
