ياشعب هلل واشكر الله ثم فهد
الله على من كوّن الكون اعتمد
المملكة قامت بعزم رجالها
والقائد اللي في معاركها شهد
واقول يا الشعب السعودي كلمتي
اثنوا على عبدالعزيز وما ولد
اللي بنى هذا الكيان وشيده
قبل يجيها نجد كانت في كبد
واضفى عليها الامن واخلى سرجها
من كل واحد قبل سيفه ما سجد
وهذي مية عام على تأسيسها
وبعزة الإله تبقى للأبد
واحلى الاماني والتهاني للمليك
ولكل من هو في مرابعها صمد
واهني الشعب السعودي بالأمان
والأسرة اللي كلها خير وسعد
ابنا ملوك من ملوك من مليك
أحفاد أسود من أسود من أسد
عبدالعزيز اللي بنى الصرح العظيم
صرح الملوك اللي يحلون العقد
سعود والفيصل على درب الحكيم
ساروا وكلٍ في مسيرتهم حمد
فيصل فصل بالحق ما يخشى الملام
سهر على حفظ الرعية ما رقد
وخالد من التاريخ يكتب له اسطور
تقرا مفاخرها وذكراه انخلد
والرجل رجل العلم والعصر الحديث
فهد على حل المشاكل له جلد
يا قايد الاسلام للدرب الصحيح
الله يجعل لك من إلهك مدد
تملك قلوب الشعب يا الأب الرحيم
والأب مثلك أب يا وافي الوعد
يا خادم الإسلام والبيت الحرام
يا حاكم بالله قضى الفرد الصمد
ياللي منحت المملكة هيبة وأمان
في العالم المشهود ما تشبه لأحد
رفعتها فوق الثريا والنجوم
وأرست قواعدها على ساس وعمد
طورتها بالعلم في شتى العلوم
حتى مواطنها على القمة صعد
منها يشع النور ويجلى الظلام
يحطم الطغيان وأوكار الحسد
الاسرة اللي اصلنا من اصلها
تاريخها يبقى على طول الأمد
النائب اللي للسلام أبدى الجهود
نائب فهد هو درعنا ولي العهد
يسعى بلم الشمل ما بين الشعوب
محاسنه تبذل ولا تحصى عدد
عبدالله اللي همته فوق الصعاب
الله وأكبر ما مثل هذا أحد
والنائب الثاني عمى عين الحريب
الى جا نهارٍ فيه للقوة حشد
سلطان سلطان بكل الواجبات
له سطوة تمضي بالأعدا ما ترد
يمناه تغني من طلب منه العطا
ما يوم قالوا هاب سلطان وبلد
والختم صلى الله على سيد البشر
محمد اللي بالرسالة معتمد
