أنا أشوف بعض الناس تكتب على الجدران
كتابة ما تشرح خاطر اللي قرا فيها
طريق الخطأ ما يرضي الأبو والجيران
شبابٍ على البويات طلت يمانيها
وانا أقول هذي شغلةٍ مالها برهان
خطية وهذي كبها لا تسويها
وترانا علينا الحق ما دام حنا أبوان
نرده عن الحيطان من خوف يذيها
ونقول أكتب الواجب وعوذ من الشيطان
وصل الفروض الخمس مع من يصليها
وحنا وطنا عز دستورنا القرآن
نبي الظاهرة هذي من المدن نلغيها
وهذا كلام الاخو وموجهه لإخوان
نصيحة وقاريها يميز معانيها
