ذكرتك بليل ما عرفت آخره وادناه
ونثرت الحروف اليابسة من مطاويها
وسحاب العيون يهل وبل غدا مجراه
كما الساقي اللي غرق الزرع جاريها
ذكرتك بشوق ام لولدها تبي لقياه
وضاعت دروب الام عن درب غاليها
انا كنت اقول لقلبي إني لزوم انساه
وصدقت كذبي مادريت بتواليها
نسيتك واثر قلبي دفنك بعميق اقصاه
وقال اشعل الذكرى لياحل طاريها
احبك وانا مدري علامي وش اللي جاه
من اللي تركني حايره وسط ماضيها
