الا يا معذبي ماتت وعود الحب وآمالك

غدرني في الهوى وقت ظروفه قاسيه بالحيل

قسى وقتي علي وصار يبعدني عن أطلالك

كتب ربي علي الهم نار تشتعل والويل

ما عاد أقدر اشوفك لا ولا أسألهم عن أحوالك

قطع جسر التواصل بينا هاوي نكد وبخيل

قليل يا حبيب الروح في الخفرات امثالك

لمع نجمك برز وصفك وربي صاحب التجليل

ما دام الحيلة انقطعت ما عاد أقدر على وصالك

عيوني جاوبت قلبي بدمع تذرفه كالسيل

الا يا معذبي ما أنسى وعود الحب وأقوالك

أنا العاشق أنا المحروم أنا اللي ساهر فالليل

رضيت بحكم خالقنا ولكن قلبي,, يبقالك

تحوّل دنيتي مهما,, غلاك أثبت عن التحويل