سموحه والخطى عاشق ظروفه ما تسر انسان
سموحه يا بعد عمري عساك اتقدر اوضاعي
انا غصب علي ابعد واعيش الهم والاحزان
انا قلبي يحبك حيل انا تل الهوى شراعي
احبك لو يطول الصمت وتزداد القلوب اشجان
احبك لو احس اني معك تزداد الاوجاعي
اخاف اني انا وياك يغيب ذكرنا النسيان
مسافات العمر تقصر ولهفة شوق تلتاعي
احس ابقلبك المحزون واحس ابنبضك الولهان
واحس ابليلة ضلما يوافي صوتك اسماعي
احس ان القدر بيني وبينك والعذاب الوان
احس الغايب المجهول على درب الشقى ساعي
احس اني انا وياك على درب اللقا حرمان
على كف الشقى اقرا واشوف الياس لي داعي
سواد الليل يا ظالم قتلت النور لامن بان
توارت شمسنا شفقها وين مطلاعي
