اسمع صدى ايام عمري تنادين

مستغربة في عيشتي سر الاحزان

مدري هواها تزعلن اوتراضين

لكن اقول السعد راح وتعدان

قالت علامك قلت حزني يبارين

حالي براه الهم والشوق باران

قالت غريب وقلت انتي تريدين

ابقى غريب بين اهلي وخلان

قالت تحب وتطرب الحب تلحين

واللي تحبه غرد بزين الالحان

تجهل دروب الهم وين الاسى وين

لا شفت غدر ولا تذوقت هجران

لا تسأليني عن هموم تعرفين

الجور ان ما زاد ما شفت نقصان

صحيح انا سالم بدرب المحبين

وحالفني التوفيق مع ريم ولهان

اللي بحسنه فاق كل المزايين

افخر بحبه لي وانا فيه غرقان

الحب طاهر لا نويته مع الدين

والله يحقق غاية صدقها بان

للخير صابر لو تأخر بعد حين

حلم يجدد رغبتي كل الاحيان

انا جريح اللي حرمني وتدرين

الله حسيبه قد ما شفت حرمان

رضيت انا بالحزن والحزن راضين

والموت واحد والمنايا لها الوان