اللي يقول ان القمر منزله فوق
يصير عنده شك إلى شاف خلي
خلٍ قطع في داخل القلب معلوق
سيف المنايا من عيونه يسلي
اللي تمكن بالحشا وحل برفوق
في وسط قلبي مال غيره محلي
عندي غلاه اغلا من أيّة مخلوق
الا اثنين حقهم بينٍ لي
وشلون ابا اوصف غاية الحس والذوق
يعجز لساني والقصايد تكلي
كن الدرر في مبسمه عقد منسوق
وبضحكته كن المنايا تهلي
الروح ترخص بين عاشق ومعشوق
وارخصت له روحي وعمري وكلي
راح الزمان وباقي العمر ملحوق
معه بوفا دام الوفا وافيٍ لي
الحب باقي واول العمر مسروق
ما بين ترحالي وهمي وحلي
اخيل وسميٍ به رعود ويروق
متى على الله ما طره يستهلي
بين الامل والياس وغياب وشروق
يبقى الامل والحلم بيتي وظلي
كيف احتمل فرقا وحرمان مع شوق
علامة استفهام بآخر سجلي
