على نهج كبار الشعراء يوجه الشاعر الصيفي محمد الجريس هذه الأبيات إلى ابنه محمد فيقول:

يا وقت لا تقسى على القلب بالحيل ارحم رحمك اللي بخلقه رحومي حملتني حمل ثقيل فلا شيل حملتني حمل ثقيل وخومي تقسى علي ولا لقينا محاصيل ازرعه ورد ويطلع الورد ثومي ازرع واحسب لليال المقابيل واخاف راس الضلع يصبح حزومي من عقب ماهو مزبن للرجاجيل يصبح عزيز النفس بين الرخومي وقاومت أنا وقتي واثر وقتي مطيل وقت يبيد الخلق ليله ويومي ودورتنا الفكر في قالٍ وقيل الوقت يبغاله حصان عزومي ونخيت أنا محمد علي وقت مهيل ابوك يا محمد برته الهمومي هم برى حالي ولا عاد بي حيل والعين يا مشكاي جتها الهزومي ازهمك يا محمد يا نافل الجيل همٍ فقلبي كاتم بالغيومي ابهج قلبي والحذر لا تجي بخيل خلك كريم ومنحر للقرومي والباب حذرا لا تصكه بتقفيل خله مشرع والمسير فهومي الضيق قدم له سمين من الحيل اذبح كبار الحيل عطه السلومي دله عويدي ودلتين بها هيل والعود فالمدخن يقدم لزومي وطاعة المعبود في تالي الليل طاعة ولي الكون حظك يقومي والوصل في دمك وخلك كما سهيل خلك سنده ليا بداله لزومي ابذل له المجهود وخلك طعم سيل ابذل له المجهود لازم تقومي بالحال هو والمال حسب التساهيل لوه بتالي الليل حذرا تنومي وحذرا الكذب يا بني وحذرا الدهاويل الكذب ما يبني سنام الردومي خلك صدوق وحبل المحابيل حل المشاكل والمراجل قدومي المرجلة عد قراح كما الغيل وياحظ منهو للمراجل يشومي من شام للعليا يصالي المعاميل ذرى لربعه عن لهيب السمومي درع لهم لا صيحوا ياهل الخيل لا طرحن نجل العيون اللثومي لا كع ولد اللاش ثعلا لواذيل يثني لها من مارضي بالقسومي قسمة مع العربان ما حسب بالكيل يوم ان ولد اللاش منه محرومي هذا كلامي يا محمد بتحليل خللك فهيم وافتهم بالعلومي تعبير عبرته بموجز وتفصيل جالس علي حيلي واخيل النجومي أسهر طوال الليل ما به مقابيل وهم علي قاسي يضعف عزومي وقضيت أنا عمري بهم وبهاذيل وانت الرجا حذر تضيع الرسومي معتز ما فيه قول وتشكيل من شيخ ربعه يوم لطم الخشومي من راس أبو منصور ذرب الرجاجيل معتز يابوك حقق حلومي وصيتي لك في بيوت وتماثيل افهم وصاتي جعل عمرك يدومي