لا تنشدوني ليه دمعي أهله

ليه الحزن فيني يخيم رحاله

ليه الفرح معدوم ما أقدر أدله

دايم سهير الليل وأبكي خياله

طبعي حزين البال من دون عله

الحزن أبوي وصرت أنا من عياله

كني يتيم فاقدٍ شوف من له

محروم من أمه وأبوه وخواله

والخل قاسي زود الطين بله

أرجي عساه يروف وارجي وصاله

روحي وعقلي يا هلي فدوةٍ له

هو غايتي نفسي وما أملك حلاله

لا غاب عني اشكي الوقت كله

ما أقوى على الفرقى وهذي استحالة

يتل قلبي في يدينه يتله

وشلون أحب انسان ثاني بدا له .