أخذت من النهار احلى نواويره وهتانه

عطاني قاصي حدوده ولو أطلبه يعطيني

لقى فيني متاهاتي وعروق القلب ذبلانه

فتح للريح شباك الحياه وأطلق يديني

زرع في كفي اليمنى ورود العشق عطشانه

وزرع في كفي اليسرى جروحي وأدمعت عيني

وأنا لاجله نذرت أغلى موازيني علشانه

عساه يشوف وش سوى طلوعه في موازيني

على أزمانه شربت الما بطعم الما على ازمانه

شربت السلسبيل اللي يعطشني ويروني

رسمت أحلى نواويري غلا لضفاف غدرانه

وكتبت أحلى شعاعات الصباح وليل ممسيني

أموت بضحكه الفاجر وبسماته وألوانه

وأعيش بكلمة منه تزعلني وترضيني

أحب كل الدروب اللي توصلني لوديانه

وأنا أدري كل جرح من نواعيسه يسليني

وأنا روحي تبي وصله ترف بشوق هيمانه

تنسيني عذابات الطريق ولوعة سنيني

ألا ليته يخليني غلاه وكل خلانه

وياخذ كل ما فيني من هموم طغت فيني

ولا أدري كيف لا منه بدا صده وهجرانه

كثير الناس خانوا بي وأنا أدري ما يخليني