نجم هذا الاسبوع الشاعر احمد الجريفاني الذي طالبنا الكثير بنشر جديده:

عقب اندمال الجرح جيتي تزورين زورة ندم والا حنين لعذابي جيتي عقب ما ضاع من عمري سنين ايام كنتي ما تعرفين بابي توقفي يا بنت لا تستعجلين يكفيني انه ضاع دونك شبابي ياما فديتك باسود يسكن العين واهديت لك روح البيوت العذابي يا ما مسحت دموع من فوق خدين تخاف هجراني وتخشى غيابي واعطيت لك عهد رجح بالموازين ولا نقظت العهد رغم اغترابي كنتي لي الدنيا وزهر البساتين حلم ليا ضاقت دروبي سرى بي كنتي عروس العمر حورية الزين اخاف اكدر خاطرك في عتابي اخشى عليك من القدر والحسودين واقبل عليك بلهفتي والتهابي رحتى شريتي من يحوش الملايين لون الذهب خلى رموشك حرابي ليته درى عن طبعك اغتر بالزين طبع الحمامة غير طبع الغرابي ما كنت اظن ان الورد يقسى على الطين ولا ينكر الطل الرقيق السحابي ولا كنت اظن الحور تمشي بقلبين ولا لذيذ الضي يصبح سرابي ولا يجيني يوم بقفاه تقفين كنك حسدتيني بليلة مصابي انا غني النفس وانتي تعرفين قمة فخاري شيمتي وانتسابي ياللي غدرتيني بليلة ثلاثين شوفي على تعداده الراس شابي جيتي عقب ما خان بك من تودين هو طاب منك وخاطري منك طابي