* كتب المحرر
في كل مناسبة وطنية يسجل الشعر الشعبي حضوره المميز,.
يجسد مشاعر الامة تجاه الوطن,, ورموزه وفي هذا العدد نقدم ثلاث قصائد جاءت من أبناء طيبة الطيبة ترحيبا بولي العهد الامين,, وصحبه الكرام حيث جاءت الاولى من المواطن لافي عبيد المريبطي من اهالي المدينة المنورة حيث قال:

يا مرحبا يا منوة الشعب والدار ترحيبة أعلنها واثبت خطاها حييت ياذخر النمارا والحرار يامالك قلوب البشر يا غلاها يوم تجينا فيه عزٍ وتذكار والنفس بوجودك تحقق مناها بوجودكم يا سيدي تحلى الاشعار تحلى وشوفت سيدي هو حلاها عبدالله اللي للمهمات مذخار عضيد قايدنا لدارت رحاها ريف الضعيف ومكرم الضيف والجار تصعب ويسهل حلها لا قراها ريّس حرسنا له محبة ومقدار حصنٍ حصين ودرعها في قساها خلى الحرس وردة تلالا بالاثمار زهرة ندى عطرٍ يفوح بشذاها بوجود ابومتعب توالت بالانصار ذخر الفهود اللي تباين ضياها نسل الزعيم اللي حكت عنه الأخبار عبدالعزيز اللي بسيفه حماها صقر يدوس أعلى الأفاعي الياطار حلحيل حلال الصعب لحتواها مرحوم يا شيخ رقى المجد تكرار عبر العصور اللي مضت مع سناها يشهد له التاريخ مع مر الأعصار يمشي ورجله حافيه ما حذاها واليوم في عصر الفهد ورد وازهار احلى الورود الزاهية في خباها رفرف علمها واعتلى فوق الأقطار بوجود قايدها وشيخ بناها والنايب الثاني بعزمه والاصرار خلى صقور الجو فاعلى سماها قوات برية لياجات الاخطار سم الكبود الحاسده من عداها آل السعود مكرمت كل خطار فكاكت المضيوم لامن دعاها ولا جا نهارٍ فيه تثوير وغبار جيش الفهد كحّل العيون وعماها من دون مكة نبذل الروح ونغار ويسيل دم اللي بسيفه نواها ومن دون طيبه ينزل الدمع مدرار لجل الرسول اللي سكن في ثراها تحظى ببوفيصل قمر بين الاقمار اخضر مربعها وزود غلاها عبدالمجيد اللي حكيم بلشوار عسى الولي يجزاه بحسن جزاها استبشري يا دار والعز لك سار دونك رجال تفتديك بدماها دون الوطن نشرب حلاها والمرار ما همنا نبح الكلاب وعواها هاذي السعودية وطن خير الاخيار من حدته سود الليالي نصاها فيها الفهد واخو الفهد درع وستار بيض الأيادي ولعطا من صفاها المملكة بين الدول رمز وشعار أمن وأمان وعاليٍ مستواها وصارت بعون الله هدف كل الانظار ثمٍ بعون اللي بروحه فداها عسى الولي يحميه من كل الاشرار ويجعل له الجنة جزا ما عطاها

*أما القصيدة الثانية فللشاعر سالم الشراري اذ يقول:

على وجه البشر والدار,, فرحه,, للحدث عنوان تعبر عن تفاصيله ووش لونه وش جله حدث يحكي به التاريخ للأمه مدى الازمان زيارة شيخنا المحبوب,, بشير الخير,, عبدالله به نحيي وله بقلوبنا حب ووفا ومسكان زهت طيبه بتشريفه ولبست زاهي الحله عدد ما نورت به دار عبّر عن غلاه انسان نحيي فيه شعب وعُرب,, مشاعر حب منهله غدت غيمه لها عبق بريح الورد والريحان نشت بمحيا ابومتعب هلا والله بها الطله قدومك وسم تخضر به سهول وتله ووديان ونجني من حصاد الخير خير وعيشنا فله يابن ذاك الزعيم اللي حكم دار وجمع عربان بشرع الدين,, شرع بالحق عن ميله وعن زله ياابومتعب هلا واهلا عدد ما سالن الوديان هلا باميرنا اللي له عطينا حبنا كله

* القصيدة الثالثة للشاعر مقحم بن محمد الديري يقول فيها:

حييت يا السامي على شرع الإسلام باسم العلم واسم الحرس والمدينه ترحيبة تبقى على طول الايام فيها الولاء ياسيدي معلنينه لكم على روس الزوامي بالاعلام باحرف جليه من ذهب كاتبينه بقصيدة نطلع بها فوق قدام من طيبكم عن كل هفوة حصينه من طيب نيه والرضا سيد الاحكام علم ثقات المجتمع عارفينه من قلب مخلص مابه شكوك وأوهام وأمن الوطن في عزكم حافضينه وانته يا ابومتعب لنا درع وحزام وانته لنا منصا وعز وخزينه وانت اللي أرضى الله بوصله للأرحام وراع الوصل دايم صفاته متينه وانت الكريم ابن الكريم ابن الاكرام فعل عليه اشهود ومثبتينه من مالك أغنيت الفقارى والأيتام والمستعين اليا استعانك تعينه مجدك ما تحصيه القصايد والاقلام والكون والتاريخ ومورخينه للطيب في وجهك علامات ووسام وانت الكريم اللي طويله يمينه لك منطق ميزان من بين الاخصام في محضر روس الدول حاضرينه ولك هيبه يصغر بها الخصم ويضام في شاية الله والخصم هازمينه يا ابن الزعيم محطم كل الارقام عبدالعزيز اللي تمسك بدينه عظيم ومهماته اكبار وعظام والعز قايم والمساعي مكينه واصل على عوص النجايب ولانام يشهد له التاريخ ومعايشينه عبدالعزيز الصيرمي للعلا هام في وقت ما يعرف نظام وسكينه وقت مهماته خطيرات وجسام والناس اعادي والضعيف آكلينه وقرر ونفذ وحكم الخطه احكام وتسلق اسوار الرياض ا لعرينه وصبح صباح ولا تهاون بالاقوام وحول على الاعدا بشلفاء سنينه وعلى الاعادي حام طير الفنا حام في ساعة فيها السلامة ضنينه ومصامخ أرماح وبواريد وحسام واشوي ولين العدو جادعينه واستسلمت كل القبايل استسلام من صطوته كل البشر هايبينه قبله وخلق الله جماعات واقسام يوم نصر واليوم الآخر غبينه فعله كبير وحجم الفتنة إشمام ذيب تصدى للذيابه ابحينه يشهد له الإسلام عام بعد عام والعز والتأسيس ومواطنينه نشوفه إليا شفنا المباني والانعام والمنجزات الشامخات الثمينه من قلب صادق دام عز الفهد دام عاش الفهد والله يطول سنينه فهد إليا منه نوى الدرب جزام وبعينه الدنيا الجسيمه هوينه حلال ما يفتل وما يبرم ابرام علم بوقفات الفهد ضامنينه حقق لنا كل الاماني والاحلام امن وامان وما نبي مدركينه وسلطان ابوخالد اسنافي وضرغام له وقفة عند اللوازم رزينه وقفة بطل نادر موفق اليا قام فعله قرار وموقفه شاكرينه لا صار حرب وضرب وخلاف وزحام يقضي على جيش العدو وكمينه