الا يالله يالمعبود يامنجي سفينة نوح

من الطوفان يوم الموج غطى روس الاطوادي

ويا رازق نواة من وراء ما ياصل السابوح

يجيبها رزقها ما يقطعه واشي وحادي

تنور قبر من نعقبه عيون المؤمنين تفوح

تعطر له ثرى قبره بريح المسك والكادي

يروح ارواح يافيصل ولكن ما تساوي روح

فقدها العالم اجمع والاسى من فقدها زادي

تبي تبطي نساء يعرب فلا جابت عليك شبوح

كريم عادل بر رحيم وش بقى عادي

شكا فقدك يتيم ماجداه الا البكى والنوح

كفلته يا كريم الوجه بالملبوس والزادي

عسى ما تفعله من خير يكتب لك بعرض اللوح

يجي بينك وبين النار تقيه يابن الاجوادي

يقولون العرب ما في الاناء يعرف من المنضوح

عرفنا عنك عطف وحلم يا أجود كل من جادي

تقدمنا الامم من نور عقلك والعدو مجروح

بنى عقلك حضارة ما بناها كل من سادي

ذكرنا ما عرفنا عنك حق نوضحه مشروح

تأس بالبشير المنذر المستبشر الهادي

ونطلب لك رضي ربك عدد ما في الظلام يلوح

سنى برق الدجى اللي مع ظلام الليل ينقادي