ياجرك ربي يا مليكٍ رعانا
ويحسن عزاكم يا مليكٍ حما الدين
الله يصبرنا,, ويجبر عزانا
فجيعة هزت قلوب الملايين
ويعيننا ربي على ما لفانا
فرقاه لوعة حرّت القلب والعين
نبكي على فيصل امير كفانا
ابن الفهد فيصل وشيخ الميامين
ابن الفهد فيصل ولا قد توانى
عن العطاء والناس بالطيب دارين
مساند للشعب ياما رعانا
فرج هموم الناس حتى البعيدين
ذكراه حية ساطعة في سمانا
بنواف وخالد والشباب الوفيين
رعا الرياضة والشباب وزهانا
شبابنا للمجد صاروا عناوين
تسابقوا لين ارتفع مستوانا
لين اشتهرنا في جميع الميادين
وابن الفهد سلطان نجمٍ ضوانا
فيه العوض والخير والرفق واللين
نواف يابن فيصل انتم عزانا
وفحكم رب الناس والكون راضين
انت الخلف,, انت الكبير وذرانا
ما تظلم الدنيا وانتم شديدين
قلوبنا من عقب فيصل حزانا
ابو اليتامى كلهم والمساكين
ندعي ربي ما يخيب رجانا
يا جعل برّه راجحٍ بالموازين
يرحمه ربٍّ للشريعة هدانا
يا جعل منزاله جنان الشهيدين